ရခိုင်သားကြီး အနုပညာရင်ခွင်က စီစဉ်ထုတ်လုပ်လိုက်တေ စီးရီးတစ်ခုပါ။ ဒေစီးရီးမှာ သာခြင်း(၁၃)ပုဒ် ပါဝင်ပြီးကေ တေးရီးက သန်းမောင်နန့် နောင်ခိုင် ရို့ဖြစ်ကတ်ပါရေ။ တီးဝိုင်းက BLUE WAVE ဖြစ်ပနာ EMS မှာအသံဖမ်းထားစွာပါ။ ဒေစီးရီးထွက်စ နားထောင်ရေအချိန်ခါ ဦးသန်းမောင်တစ်ယောက် ၀ြါံကီးအသံနန့် ဇာတိဇာတိဆိုထားမှန်းမသိ ထင်မိခပါရေ။ နားထောင်ဖန်များလာရေအခါ သူ့စေတနာတိကိုတွိလာရပါရေ။ ကဗျာရွတ်ထားရေပိုင် စာသားထားသိုမှုတိ၊ သံစဉ်စီးဆင်းမှု မထစ်မငေါ့အောင် သာခြင်းစာသားတိကို သေချာဂရုပြုရီးစပ်ထားစွာကိုတွိရပါရေ။ ဦးသန်းမောင်၏ အထူးခြားဆုံးကတော့ကေ သူ့ဆိုဟန် ဆိုပေါက်ဖြစ်ပါရေ။ ရခိုင်သံပီသအောင် သီဆိုထားမှုမှာ ဇာအဆိုတော်တစ်ယောက်လေ့ မမှီလို့ပြောချင်ပါရေ။ ရခိုင်သံပီသအောင်ဆိုထားမှုကို တခြားအဆိုတော်တိအတုယူသင့်ရေအပြင် စာပေအနုပညာနယ်ဘက်က ကလောင်ရှင်တိလေ့ လေ့လာသင့်ပါရေလို့ သုံးသပ်မိပါယင့်။
No comments:
Post a Comment